Шинэ мэдээ
ИХ НАЙРАГЧ Б.ЛХАГВАСҮРЭНГ СҮҮЛЧИЙН ЗАМД НЬ ҮДЛЭЭ
2019-02-11 10:42:21   share

Монгол Улсын Хөдөлмөрийн баатар, Ардын уран зохиолч, Төрийн шагналт, Соёлын гавьяат зүтгэлтэн, яруу найрагч, төр, нийгмийн зүтгэлтэн, их соён гэгээрүүлэгч Бавуугийн Лхагвасүрэнг өнөөдөр сүүлчийн замд нь үдлээ.

Улсын драмын эрдмийн театрт болсон салах ёслолд төр, нийгмийн зүтгэлтнүүд, урлаг соёлынхон, зохиолч, яруу найрагч нөхөд нь, уншигч, сонсогч, үзэгчдийн төлөөлөл хүрэлцэн иржээ.

УИХ-ын дарга Г.Занданшатар, Ерөнхий сайд У.Хүрэлсүх болон  УИХ, Засгийн газрын гишүүд их найрагчтай салах ёс хийж, гэр бүл, төрөл төрөгсдөд нь гүн эмгэнэл илэрхийллээ.

Талийгаачийг төрсөн нутаг Төв аймгийн Баян-Өнжүүл суманд нь нутаглуулах аж.

Талийгаач ходоодны хорт хавдраар өнгөрсөн онд БНСУ-д эмчлүүлж хагалгаанд орсон бөгөөд ойрын өдрүүдэд бие нь тааруу байсан талаар эх сурвалжууд хэлж байв.
 


Тэрээр 1962 оноос уран зохиол бичиж эхэлсэн:

  • ”Ангир уураг” 
  • “Хос уянга” 
  • “Гашуун өвс” 
  • “Сул асгарсан сувд” зэрэг шүлгийн түүвэр,
  • “Хүйтэн сэнтий”
  • “Үгүйлэгдсэн хайр”
  • “Галзуу гурвалжин” жүжгийн зохиол,
  • 4000 мөр бүхий “Тамгагүй төр” эмгэнэлт жүжиг,
  • Их Монгол Улс байгуулагдасны 800 жилийн ойд зориулж “Атга нөж” жүжиг,
  • “Бүлээн нурам”
  • “Араатан”
  • “Хүн чулууны нулимс”
  • Хүннүгийн тухай “Бор манан” зэрэг кино зохиол,
  • “Уянгын тойрог”
  • “Цагаан тэнхлэг” зэрэг ном бичсэн билээ.

 

НОМИНАЦИ