Шинэ мэдээ
А.АЛТАНСҮХ: ТАВ, АРВАН ТЭРБУМЫН САНХҮҮЖИЛТЫГ НЭГ АЖ АХУЙ НЭГЖИД БИШ, 500-аас 1000 ҮЙЛДВЭРЛЭГЧИД ӨГЬЕ
2018-11-22 14:26:21   share

Сүүлийн хоёр долоо хоногийн сенсацитай сэдэв болоод байгаа ЖДҮ-ийн асуудлаар улстөрчид, иргэд, эдийн засагчид байр сууриа илэрхийлсээр байна. Энэ сэдэвтэй холбоотойгоор Монголын банк бус санхүүгийн байгууллагуудын холбоо ч мөн саяхан хуралдсан юм. Тус холбооны ерөнхийлөгч, “БИД” ББСБ-ын үүсгэн байгуулагч, ТУЗ-ийн дарга А.Алтансүх ЖДҮ-ийг дэмжих сангийн талаарх хэлэлцүүлэг дээр жижиг дунд үйлдвэрлэлийг дэмжих зээл иргэдэд хүрэхгүй байгаа шалтгааныг тайлбарлалаа.


Бид тав, арван тэрбум төгрөгийн санхүүжилтыг нэг аж ахуй нэгжид өгөхийн оронд 500-аас 1000 бичил, жижиг, дунд бизнес эрхлэгчид, үйлдвэрлэгчид өгье. Жижиг дундын зээл хүссэн хэрэглэгчдийн 50 хувь нь 10 сая хүртэлх төгрөгийн зээл л хүсч байна. Тиймд бид тэр зах зээл дээр нь ажиллая, яг тэр төслийн зээлийн хүүгээр нь гаргая гэсэн хүсэлт удаа дараа тавиад биеллээ олоогүй. Үүнийг зөвшөөрөөгүй шалтгаан, зорилго нь одоо тодорхой болж байна. Тэдэнд тэрбум, тэрбумаар нь хэдхээн компанийг л дэмжих сонирхол байжээ. Харин тав, арван  саяар нь олон жижиг бизнес эрхэгчдэд олгож, дэмжих сонирхолгүй явж ирсэн юм байна.

Монголд нийт 78 мянган аж ахуйн нэгж үйл ажиллагаа явуулж байгаагаас 50 мянга нь Улаанбаатар хотод үйл ажиллагаа явуулдаг. Үүний 85,5 хувь нь 1-9 ажилтантай. Тэгвэл Засгийн газрын төсөл хөтөлбөрүүд ЖДҮ-ийг хөгжүүлэх сангаас 199 ажилтантай компанийг жижиг дунд үйлдвэрлэгч гэж үздэг. Өөрөөр хэлбэл 199 ажилтантай байгууллагад чиглэсэн зээл гэсэн үг.

Япон гэтэл 3.8 сая аж ахуйн нэгжтэй. Үүний 3.3 сая буюу 86% нь жижиг бизнес эрхлэгчид байдаг. Үүнийг дотор задлаад үзхээр 4 хүртлэх ажилтантай жижиг бизнес эрхлэгч нь 68% ийг эзэлдэг байна. Тэд бичил бизнесээ, ЖДҮ–ээ яаж дэмждэг вэ гэхээр эхлээд энэ жижиг рүүгээ буюу 68 хувийг эзэлж буй аж ахуйн нэгж рүүгээ дэмжлэгээ чиглүүлдэг. Тэдэнд л зориулсан, том компаниуд нь огт авч болдоггүй тийм зээлээ л Японд жижиг дундын сангийн зээл гэдэг. Үнэхээр л олон бизнесүүдээ сууриас нь босгож ирж, ард иргэдээ ядуурлаас аврах зорилготойгоор энэ зээлийн бодлогоо төлөвлөж, хэрэгжүүлж явдаг юм билээ. Тиймд манай улс хэрхвэл зохих талаар хэдхэн санал хэлье.

Нэгдүгээрт, тэр зээлийн олгохдоо аль хэсгийг сонгох вэ гэдгээ зөв болгочих. Өөрөөр хэлбэл, хэдэн ажилтантай аж ахуйн нэгжид зээл өгөх вэ гэдгээ тодорхой зааж өгөх хэрэгтэй.

Хоёрдугаарт, Америкийн санхүүгийн компани  ЖДҮ-ийн зээлийг яаж олгодог вэ гэхээр тухайн санхүүгийн байгууллагуудад зорилтот шалгууруудыг нь жижиг дундын сан нь өөрөө гаргаад тавьчихдаг. Зорилтот сегментэд нь тохируулаад санхүүгийн байгууллагуудад нь хүргээд өгнө гэсэн үг. Банк санхүүгийн байгууллага  материалтай нь танилцах, судлах, эрсдлийг хариуцах гээд бүхнийг цэвэр бизнесийн үүднээс зохион байгуулна. Зээл хүсэгч иргэд, аж ахуйн нэгж бол тэдний үйлчлүүлэгчид болно. Бүр тодорхой хэлбэл, хэрэглэгчид эхлээд төслийн хүмүүстэй уулзахгүйгээр санхүүгийн байгууллагын шалгуурыг л хангахад санхүүжилтээ аваад явна. Гэхдээ мэдээж зээлийн хүү төслийн зүгээс тогтоосон тэр хэмжээнд байх болно.

Мөн бичил санхүүгийн хөгжлийн сан гэж байдаг. Энэ нь яадаг вэ гэхээр банк бус санхүүгийн байгууллага зээлийг хэрэглэгчиддээ хүргэснийхээ дараа төслийн зүгээс санхүүжилтээ авдаг. Нөгөө нэг чухал асуудал бол санг арвижуулах ёстой. Одоогоор жижиг дунд, үйлдвэрлэлийг хөгжүүлэх чиглэлээр 600 тэрбум төгрөгийн зээл олгосон байна. Сүүлд 200 гаруй тэрбумыг олгосон. Тэгвэл банк санхүүгийн байгууллагууд өөрсдөө нэмэлт эх үүсвэрээр тухайн сегментэд бас зээл олгоно гэдгийг тооцох учиртай. Хэрвээ банк санхүүгийн байгууллагаар энэхүү зээл дамжсан тохиолдолд хэрэглэгчид 10 тэрбумыг 12-13 тэрбум болгож хүргэе гэсэн санаачлага бий. Нөгөө зорилтот сангийн санхүүжилт дахиад нэмэгдэнэ. Үүнийг бид байнга л ярьдаг даа.

Жнь БИД ББСБ нь Бичил санхүүгийн хөгжилийн газрын бага орлоготой иргэдийн орлого нэмэгдүүлэх төслийн зээлийг 5 дахь удаагаа амжилттай хэрэгжүүлж, нийт 3.1 тэрбум төгрөгийг 690 гаруй харилцагчид олгосон байна. 3,1 тэрбум төгрөгийн 25% буюу 775 сая төгрөгийг БИД ББСБ өөрийн эх үүсвэрээр санхүүжүүлж олгосон юм.

Орлоготой боловч тодорхойлох боломжгүй, эсвэл бизнесийн болон зээлийн түүхгүй иргэд болон бичил жижиг дунд бизнес эрхлэгчид зээл олгож, тэдгээрийг сайн зээлийн болон бизнес эхлэлтийн түүхтэй болгож өгдөг. Нэг үгээр хэлбэл санхүүгийн хүртээмжийг хуваарилах, ядуу болон бага орлоготой иргэдийн орлого нэмэгдүүлэх хамгийн чухал салбар бол бичил санхүүгийн салбар буюу ББСБ юм.


Зочин байгууллага:

“Толь” сонин, “Аldar.mn” сайтаас “Танд хэрэгтэй байгууллага”-ыг онцлон танилцуулж буй билээ. “Бид” банк бус санхүүгийн байгууллага нь танд хэрэгтэй санхүүгийн түргэн тусламжийг өдөр нь шийдэж өгдгөөрөө онцлог юм.

“БИД” ББСБ нь Монголдоо бичил санхүүгийн үйлчилгээг шуурхай хүргээд, 15 дахь жилийнхээ нүүрийг үзэх гэж байна. Эдгээр он жилүүд амжилт бүтээлээр дүүрэн байж, бичил санхүүгийн салбартаа тэргүүлэгч ББСБ болоод байна. 15 жилийнхээ ойг угтан 2018 оныг “Харилцагчтайгаа хамт хөгжье” уриан дор олон ажил хийсний цөөн хэдийг дор сийрүүллээ.

• Харилцагчид санхүүгийн мэдлэг олгох хүрээнд “Санхүүгийн сахилга бат” ,“Бизнес төлөвлөгөө”, “Маркетинг Стратеги төлөвлөгөө, ирээдүйн чиг хандлага” “ Санхүүгийн шинжилгээ” сэдвүүдээр сургалт явууллаа.

• Бичил санхүүгийн хөгжилийн газрын бага орлоготой иргэдийн орлого нэмэгдүүлэх төслийн зээлийг 5 дахь удаагаа амжилттай хэрэгжүүлж, 3.1 тэрбум төгрөгийг 690 гаруй харилцагчид олголоо.

• Дүрмийн сангаа үе шаттай нэмэгдүүлж, зээлийн хүүг бууруулж, уян хатан хугацаатай зээлийн үйлчилгээг үзүүлж байна.

• Харилцагчдийн үйлчилгээг улам ойртуулан Улаанбаатар хотын Хан-Уул дүүрэг, орон нутагт Дархан, Эрдэнэт, Мөрөн хотод шинэ салбараа нээлээ. Мөн удахгүй Сэлэнгэ, Дорноговь аймагт шинэ салбар нээхээр ажиллаж байна.

• “БИД” ББСБ-ын санаачлагаар 1000 цүнх чэллэнжийг гурав дахь жилдээ Монголын банк бус санхүүгийн байгууллагуудын холбоотой хамтран амжилттай зохион байгуулж, олон хүүхэд багачуудад баяр баясал бэлэглэв.

Хэрвээ танд яаралтай санхүүгийн хэрэгцээ гарсан болон орлоготой боловч тодорхойлох боломжгүй, эсвэл бизнесийн болон зээлийн түүхгүй иргэд болон бичил жижиг дунд бизнес эрхлэгчид зээл олгож, тэдгээрийг сайн зээлийн болон бизнес эхлэлтийн түүхтэй болгож өгдөг. Нэг үгээр хэлбэл санхүүгийн хүртээмжийг хуваарилах, ядуу болон бага орлоготой иргэдийн орлого нэмэгдүүлэх хамгийн чухал салбар бол бичил санхүүгийн салбар буюу ББСБ юм.

 

НОМИНАЦИ