Шинэ мэдээ
Шинэхэн Дэлхийн аварга П.Орхоны тухай таны мэдэхгүй сонирхолтой 10 баримт
2017-08-28 16:10:44   share

Францын нийслэл Парис хотноо чөлөөт бөхийн насанд хүрэгчдийн ДАШТ үргэлжилж байгаа бөгөөд өнгөрсөн шөнө ОУХМ П.Орхон дэлхийн аварга болсон билээ. 

1. П.Орхон Өвөрхангай аймгийн Зүүнбаян-Улаан суманд төрсөн. Аймгийнхаа сургуулид анх сурч, шатрын дугуйланд явснаар оюуны спортоор гараагаа эхэлжээ.

2. IV ангид хотод шилжиж ирээд 111 дүгээр сургуульд ороход биеийн тамирын багш нь тэшүүрийн спортын хүн байсан учир өвлийн спортоор хичээллэжээ.

3. Тэшүүрийн спортоор зургаа, долоон сар хичээллэсэн боловч тэгтлээ сонирхлыг татаагүй байна.

4. Гэр нь “Цайз”-д гэр нь нүүж очсоноор олимп, дэлхийн аваргууд төрөн гарсан 79 дүгээр сургуульд шилжин орсон. Олимпийн аварга Э.Бадар-Ууган, олимпийн мөнгөн медальт Н.Төгсцогт, дэлхийн аварга С.Цэрэнчимэд нарын шилдгүүдийн сургууль.

5. 2007 онд Нагац ах нь хоёр хүүхдийнхээ хамт “Алдар” спорт хорооны тамирчин Ц.Хосбаярт аваачиж өгснөөр чөлөөт бөхөөр хичээллэж эхэлжээ.

6. Түүний нагац ах самбо, жүдогоор хичээллэж байгаад амьдралаа авч явахын тулд спортоо орхижээ.

7.П.Орхон Ясар Догугийн нэрэмжит чөлөөт бөхийн тэмцээнээс хүрэл медаль хүртэж байв.

8. Олимп, дэлхийн аварга Иван Ярыгиний нэрэмжит чөлөөт бөхийн “Гранпри” олон улсын тэмцээн ОХУ-ын Красноярск хотод оролцож байсан бөгөөд тус тэмцээнд олимпийн гурав, дэлхийн 10 удаагийн аварга Японы алдарт бөх Каори Ичо  бөхийг П.Орхон илт давуу ялж Монгол болон дэлхийд шуугиан тарьсан юм. Дашрамд дурдахад Каори Ичо 13 жилийн турш нэг ч ялагдалгүй явж ирсэн байв. 

Б.АМИ

Эх сурвалж: www.ALDAR.mn

 

НОМИНАЦИ