Шинэ мэдээ
"Макс" Ганбааг бид сайн мэддэггүй байж...
2017-06-09 17:54:58   share

Эрдэм ухаан, оюун билгийг дээдлэгч мэргэн уншигчдадаа зориулан “Зиндаа” сэтгүүл өгөөжтэй, мэдээлэл сайтай, уран сайхны болон танин мэдэхүйн шинэлэг материалуудыг агуулсан олон сайхан буланг толилуулжээ. Тэдний хамгийн супер нь уг сэтгүүлийн гол ковер болох “Эрхэм зиндаа” булан юм.

Сэтгүүлийн №3-ын энэ булангийн зочноор улс орныхоо хөгжил дэвшилд үнэтэй хувь нэмэр оруулж буй эрхмүүдийн нэг болох “Макс” группийн ерөнхийлөгч Дагвадоржийн Ганбаатар уригдан оролцжээ. Бид түүнийг Монгол улсын Тод манлай уяач гэдгээр сайн мэднэ. Түүний хурдан хүлэг дэлхийн уралдаанд түрүүлж аваргалан, “Mongolian Saturday” хэмээн цоллуулж байхыг харахад үнэхээр бахархах сэтгэл төрж билээ.  

Сайн уяач төдийгүй, мундаг бизнесмэн энэ эрийн туулж өнгөрүүлсэн амьдралын талаар “Зиндаа” сэтгүүл бараг л “кино шиг” түүх өгүүлжээ. Их сайхан ярилцлага болж. Берлинбургер, “Макс” сүлжээ дэлгүүр гээд анхдагч олон сайхан үйлчилгээг эх орондоо нутагшуулснаар олон улсын үйлчилгээний соёлыг Монголд нэвтрүүлэхэд ихээхэн хувь нэмэр оруулсан хүн гэхэд хилсдэхгүй болов уу. Энэ хоёр үйлчилгээгээр нь түүнийг хүмүүс сайн мэддэг.

Харин “Сүү” ХК-ийг хүндхэн үед нь худалдан авч, үндэсний томоохон үйлдвэрлэгчийн байр сууринд нь эргүүлэн авчрахад ихээхэн хөдөлмөр зүтгэл гаргасныг нь тэр бүр хүмүүс сайн мэддэггүй байж болох. Тэрээр дотоодын хүнсний хэрэгцээнээс импортын шингэн сүүг шахаж чадсан гавьяатан билээ.

Энэ мэтчилэнгээр, түүний хийсэн бүтээсэн зүйлсийг тоочоод дурдаад байвал мөд барагдахгүй. “Макс” Ганбаатар хэмээх эрхэмтэй бүр илүүтэй танилцахыг хүсвэл “Зиндаа” сэтгүүлийн №3-ыг уншаарай. Тэнд бидний мэдэхгүй олон сонирхолтой мэдээллүүд яригдсан байна билээ. Түүнийг уншиж дуусаад: “Пөөөх, Макс Ганбаа хэмээх эрхэм ийм агуу нөхөр юм байна шүү дээ” гэсэн бодол өөрийн эрхгүй төрснийг нуух юун. 

Д.Мөрөн

НОМИНАЦИ