Улс төр дэх секс - II хэсэг: "Дээдсийн камасутра"-д суралцах дүрэм

2017-03-25 15:35:22

Бас нэг удаа би Сосковец боон түүний багтай Япон руу ниссэн юм. Онгоцны шатан дээр л халаасан дахь вискигээ ууж эхэлсэн тэд онгоц газардах үед навс согтсон байлаа. Гурван цагийн дараа эхний арга хэмжээнд оролцох ёстой байдаг... Лав л эд оролцож чадахгүй нь, би л ганцаараа очиж таарах нь дээ гэж бодож байв. Гэвч би том эндүүрсэн байлаа: тэд бүгд “шив шинэхэн” болчихсон ирдэг байгаа Орос школ оо гэж...

Нүсэр архидалтын маргааш өглөө нь засгийн газрын хуралдаанд суух тоолондоо би хамт ажиллагсадыгаа гайхан биширч, бас атаархдаг байлаа: миний өмнө яахын аргагүй эрүүл амьдралыг эрхэмлэдэг хүмүүс сууж байх шиг санагдана. Харин ч би ганцаараа архаг архичин шиг царайлна. Даралт багатай, тэгээд дээр нь “шар шувуу” болохоор...Манай түшмэлүүд өглөөд ийнхүү эв эрүүл болдог төрөл бүрийн аргатай юм билээ. Нэгэн “том хүн”  надад олон аргынхаа нэгийг ярьж өгсөн юм: өглөө, дөнгөж сая шахсан шахсан жүржийн, эсвэл нимбэгний шүүсийг, шарталтын зэргээсээ хамааруулан хоёр-гурав-дөрвөн стаканыг уух хэрэгтэй. Араас нь маш өтгөн,маш их чихэртэй халуун баахуу цай ууна. Тэгээд хуралдааны эхний завсарлагаанаар маш бага архи ууна. Маш бага. Үдийн хоолондоо халуун ногоотой халуун хоол ахиухан иднэ. Үүний дараа хорвоо ертөнц бүх өнгөөрөө ялгаран гэрэлтээд ирдэг гэнэ. Тиймээс, том түшмэл дээр үдээс өмнө чухал асуудлаар ороод хэрэггүй. Хүнлэг энэрэнгүй үзлийн үүднээс.

Төрийн түшмэл хүн найран дээр ч бүрэн таашаалд хүрч чаддаггүй. “Эрүүлдээ юу бодно-согтуудаа түүнээ хэлнэ” гэдэг үг түүнд огт нийцэхгүй. Харин “Ам алдвал барьж болохгүй...” гэдэг үгс л ямар ч согтуу байсан нүднийх нь өмнө байнга гэрэлтэнэ. Илүү үг дуугарчихвал дуусаа: сонсох нь сонсоод, цээжлэх нь цээжлээд, дамжуулах нь дамжуулаад...дараа нь юу ч гэж цээжээ дэлдээд нэмэргүй. Тйим болохоор түшмэл хүн тагнуулч хүн шиг ууж чаддаг: авдар архи уусан ч хэмжээ хязгаартай ярина,харин,согтоод “унтарчихсан” байх ёстой ой ухаан нь бусдын яриаг диктофон шиг л бичээд авчихсан байдаг.

Наргиа ярианд оролцон инээж ханиахдаа ч болгоомжтой байхгүй бол баларна. Жишээ нь, нэг нь: “Би энэ рейтингээ яадаг юм билээ, зөрүүд илжиг шиг таг зогсчихоод л байх юм” гэхэд нь та “Ха-ха-ха” болоод явчихвал заналт дайсан чинь нэгээр нэмэгдэх болно. Өөрөө наргиа үг хэлэхдээ ч болгоомжтой байх хэрэгтэй. Наргиа гэдэг нь хэн бүхэнд ойлгомжтой байхаар л наргихгүй бол мушгихыг нь мушгиад, гуйвуулахыг нь гуйвуулаад тоглоом маань шоглоом болоод хувирчихдаг. Би нэг удаа “Манай хороо тамга тавьдаг хороо байсан бол мөн сайхнаа,нэг тамга тавихад 100рубль аваад л, нэг хаалгаар тамга даруулах улс орж ирээд л,нөгөө хаалгаар нь гараад л,би голд нь суучихсан тас тасхийтэл тамгаа дараад л...Тэгвэл та нарын тэр төсөв мөсвийг горьдохгүй сууж байхгүй юу...” гээд наргичихсан чинь, хамгийн их инээсэн хүн ч байж магад, “Хакамада гарын үсэг болгоныхоо төлөө, рестораны тооцооны хуудсан дээр гарын үсэг зурахдаа ч дугтуйтай мөнгө нэхдэг”-гээд тараачихаж байгаа байхгүй юу. Тэгээд үүнд нь бүгд итгэчихэж байгаа юм... Юун дугтуй, цүнх дүүрэн доллар вэ? Эртний Грекийн үлгэр домог,авлигын “чулуун зэвсгийн үе”  байхгүй юу энэ чинь. Энэ баригдаад байгаа тансаг харшуудыг барихын тулд, энэ машинууд, энэ яхтуудыг авах мөнгийг цуглуулахын  тулд манай авлигачид орой болгон өдрийнхөө орлогыг тэргэнд ачаад зөөж байдаг гэхгээ юу? Ямар ч утгагүй домог гэдгийг батлая: Нэг муу лангуу ажиллуулдаг бүрэн бус дунд боловсролтой хүн ч ашиг орлогоо нууж сурчихаад байхад өндөр боловсролтой төрийн түшээд улсын сан хөмрөгөөс  хулгай хийх технологийг өдий болтол эзэмшээгүй бүхний хойно гэлдэрч явна гэж та бодож байна уу? Больж үз,би танаас гуйя. Манай түшмэлүүд чинь авлига авах нарийн технологийг хэдэн зуугаар нь боловсруулчихсан хэрэгжүүлж байдаг юм. Хэн ч яаж ч ухаад нэмэргүй, барих аргагүй аргуудтай. Хамгтийн их хэрэглэгддэг 3 бүдүүвчийг зураглая:

Нэгдүгээр бүдүүвч: Том түшмэл болгон нэг “сэргэлэн” орлогчтой байдаг. Тэр нь ажлын бус цагаараа ямар нэгэн сайн санааны санг толгойлон ажилладаг. Урлаг соёлыг дэмжих сан, авъяасыг дэмжих сан,амьтан хамгаалах сан гэх мэтийн. Аливаа сайхан сэтгэлтэй хүн чадах чинээгээрээ мөнгөн тусламж үзүүлнэ, харин том түшмэлийн гарын үсгийг горьдож байгаа хүн түшмэлийн хэлсэн хэмжээгээр нь “тусламж” илгээнэ.

Хоёрдугаар бүдүүүвч: Төр захиргааны үйл ажиллагааны нэгэн салбарыг гүнзгий судалж цаашдын хөгжлийг нь тодорхойлох хойш тавишгүй чухал яаралтай шаардлга гэв гэнэт гараад ирнэ. Салбарын удирдагч нь өөрийн эрдэмтэн мэргэжилтнүүдээ дуудаж цуглуулаад,тэд нар нь гүнзгий судалж, дүгнэлт гаргаж, зөвөлгөө өгнө. Ажлын хөлс болох багагүй мөнгийг ахан дүүс шиг хувааж авна. Харин өнөөх судалгаа дүгнэлт энэ тэр нь хэнд ч хэрэггүй  тоосон дарагдан хэвтэнэ. Сэтгэл санааг нь тэвчишгүй ихээр зовоож шаналгаад байсан өнөөх салбарт нь ямар нэгэн өөрчлөлт хийгдэхгүй нь мэдээж. Тэглээ гээд юу гэж? Гэрээ нь энэ байна,судалгаа дүгнэлт нь энэ байна, төлбөр тооцооны баримтууд нь энэ байна!

Гуравдугаар бүдүүвч: Дүн шинжилгээ бүхий том том материал хэвлүүлнэ. Би урьд нь их гайхдаг байсан юм: яагаад өөр өөр яамууд байн байн, сонин сонин илтгэлүүд зохиогоод байдаг юм бол гэж. Тэдгээр илтгэлүүд дээрх тоо цифр нь нэг ижил, зарим хэсгүүд нь ихэр юм шиг. Гэтэл үүний ард багагүй мөнгө байдаг ажээ. Энэ илтгэлүүдэд төсвөөс мөнгө өгдөг болохоор зохиогчид нь тэр их мөнгийг аваад 70 хүртэл хувийг нь ажил олгогчдоо, өөрөөр хэлбэл, илтгэлийг захиалсан даргадаа буцаан өгдөг.

Иймэрхүү төсвөөс мөнгө хулгайлах арга тоолшгүй олон. Авилгачдын бүх аргыг цуглуулаад ном болгочихвол ” Авлигачдын Камасутра” болно доо.

Дээдсийн үдэшлэг – нийллэг - хүлээн авалт дээр цэнгэх чадварыг олох гэж би их зүдэрсэн дээ. Би ер чадахгүй,яахаа ч ойлгохгүй байв. За би ирлээ, хундага бариад зогслоо...тэгээд цаашаа яах ёстой юм? Намайг хэн ч тоохгүй,хэн ч ярихгүй болохоор ичсэндээ хундагатай шампанскнаасаа байн байн балгаад л, тэрнээсээ болж хамаг бие толбоор бүрэгдээд (шампанск надад ингэж харшил өгдөг юм), тэгээд 30минутын дараа би гэж хөлс даасан, улаан чихтэй амьтан болчихно. Юун улс төр, юун энэ муухай бүлээн ундаа, ерөөсөө юу ч хүсэхээ болиод, гэртээ харих ба нэмүү өртгийн татварыг бууруулах - энэ л хоёр хүсэлтэй үлддэг байлаа. Энэ хүслээ анхны над руу хандаж инээмсэглэн цаг агаар сайхан байгаа тухай ярьсан хүнд хэлээд тавьчихна. Үүний дараа тэр хүн надаас бүрмөсөн дайжилгүй яахав дээ. Ийм уучлашгүй мэргэжлийн согоготой амьтан байлаа,би. Хүлээн авалт,фуршет, презентаци, - энэ бүхэн улс төрч, бизнесмен, төрийн түшээ хүний ажлын чухал хэсэг билээ. Ийм үеээр л холбоо сүлбээгээ бататган авах, заримдаа хэдэн сар шийдэх гээд чадахгүй байсан асуудлыг 5 минутын дотор шийдэх боломж ч олддог. Тийм болохоор яалт ч үгүй, энэ эрдэмд суралцахаас өөр арга байсангүй. Ингээд би эргэн тойрноо анхааралтай аждаг болов. Кино анхааралтай үзэн олж мэдсэн арга, дэг жаягийг шууд амьдралдаа нэвтрүүлдэг болов. Киноны баатрууд - үлгэр жишээ хүүхнүүд бүхий л арга хэмжээнд хожигдож ирээд байхаар нь цаг барьдаг “өвчнөө” арай гэж ялан байж Америкийн худалдааны сайдыг хүндэтгэн зохион байгуулсан маш тансаг хүлээн авалтанд 40 минут хоцроод очлоо. Фуршетын танхимд инээмсэглээд л ороод ирсэн чинь...хов хоосон байдаг байгаа! Хоёр хөл маань шаланд наалдан хөшчихөөд зогсож байсан чинь ашгүй америкийн элчингийн туслах гараад ирлээ. Би түүн рүү сурагч охин хичээлийн эрхлэгч рүүгээ харж байгаа юм шиг л харцаар харсан байх. Элчингийн туслах инээмсэглэн: “Хатагтай Хакамада? Зочид бүгд ширээнд суучихсан байгаа, би таныг суудал руу чинь аваачиж өгөх үү? Та битгий ай. Хамгийн агуу хүмүүс хамгийн сүүлд ирдэг шүү дээ. Та бол шилдэг эмэгтэй юм чинь...” - гээд намайг дагуулан дараагийн танхим руу явлаа. Бид хоёрыг дайллаганы танхимд орж ирэхэд бүгд чимээгүй болон харцгаав... Намайг баярын эзэн болох Америкийн худалдааны сайдын дэргэд суулгасан гэдэгт эргэлзэх хүн байхгүй байлгүй?

Энэ явдлаас хойш арга хэмжээнүүдэд би зохих хугацаагаар хожимдож очдог болсон. Элчингийн хүлээн авалтанд 20 минут, банкируудын үдэшлэгт 40 минут, засгийн газрын банкетанд 10 минут гэх мэт. Ийнхүү бага багаар суралцсаар дээдсийн цэнгүүнд цэнгэх урлагийг төгс эзэмшиж, бичигдээгүй дүрмүүдийнх нь гол хэдийг нь өөртөө товлож авсан юм.

Эхний дүрэм:

Зарлагдсан цагаас хоцорч ирэх гэдгийг та одоо мэднэ.

Хоёрдахь дүрэм: Хөшүүргийн хууль.

VIP-хүнийг буланд шахан байж өөрийнхөө проблемуудыг тоочин хоргоож болохгүй. Маш яаралтай, энэ булангаас гарахгүйгээр шийдвэл зохих, улс орны ач холбогдолтой асуудал байсан ч ингэж болохгүй. Энэ бол буруу. Ингэвэл ажил хэзээ ч бүтэхгүй. Харин “жижүүрийн үгсээ” солилцсоны дараа “чухал этгээд” рүү ганцхан өгүүлбэрээр харвах хэрэгтэй. Тэр өгүүлбэрийг чинь сонссоны дараа “чухал этгээд” өөрөө таныг буланд шахаж сайн ярилцахыг хүсэхээр - тийм л өгүүлбэрээр харвах хэрэгтэй. Жишээ нь,та “Альфа” банкны хүлээн авалтан дээр ирлээ гэж бодъё. Танд чухал хэрэгтэй Греф тэнд байж байна гэж бодъё. Жижиг бизнес дахь хүнд суртлын эсрэг багц хууль Засгийн газар дээр таг гацчихаад парламент руу орж ирэхгүй таныг зовоож байна гэж бодъё. Энэ тохиолдолд та нэг бол Грефийг барьж буланд шахаад, зангиагаа гартаа ороонгоо, Орос орны хувьд жижиг бизнес хичнээн чухал байгаа, хүнд суртлын торонд жижиг бизнес хэрхэн боомилогдон тарчилж байгаа  талаар хэн ч уяран уйлмаар ярьж өгч болно,түүнд. Тэгээд ямар ч үр дүнд хүрэхгүй байж болно,та. Эсвэл, Греф рүү очоод, ийш тийш хайнгадуу харц шидэнгээ, ингэж хэлж болно: “би өчигдөр ерөнхийлэгчтэй хийсэн уулзалтанд очоод таныг удахгүй халах гэж байгаа юм байна даа гэж бодлоо...” Греф мэдээж “Юу гэж байгаа юм, яалаа гэж намайг халдаг юм?” Би: “мэдэхгүй ээ, ерөнхийлөгч танай яамыг арга зүйн кабинет л болчихоод байна гэсэн дэг. Жишээ нь, жижиг бизнесийн багц хууль хаана байна?” Ингээд л болоо. Таны хүсээд байсан багц хууль долоо хоногын дараа гэхэд л парламент руу ороод ирж байгаа юм.

Гуравдахь дүрэм: Саармаг хүйстэй байх.

Үдэшлэг нийллэг дээр эрчүүдтэй сээтэгнэх, нөхөр, нууц амраг хайх зэрэг асуудлыг март. Энд эмэгтэйчүүд идэвхтэй байх ёстой боловч энэ талын идэвх байж хэрхэвч болохгүй. Айлгүйтэх, эрчүүдийг өдөх зэрэг нь нөхцөл байдалд огтхон ч таарахгүй. Энд таныг эргүүлэх гэж ирсэн хүн байхгүй. Энд бүгд л ажиллах гэж ирсэн байгаа. Бас, энд олон нүд байгаа. Таны хэрхэн, хэнтэй, юу ярьж байгааг бүгд анзаарна. Хүнтэй айльгүйтэх юм бол тэр хүний чинь эхнэрийн сонорт тэр дороо л хүрнэ. Дараа нь нөгөө хүн чинь тантай мэндлэхээ ч болно. Энд ирдэг хүмүүс бүгд эхнэртэй. Эхнэргүй дэл сул төрийн түшээ гэж байдаггүй. Тэгээд ч энд тачаангуйн энергетик байдаггүй. Зөвхөн тааламжтай үгс- комплимент л бий. Үүнийг ч харин ёстой нэг харамгүй хэлнэ шүү дээ! Гэхдээ ийм үгсэд итгэн баярлах хэрэггүй, шал худлаа “манжилдаг” юм байна лээ. Анхандаа би гэж гэнэн амьтан хүмүүсийн хэлсэн үгэнд итгээд л, өөрийгөө гоё сайхан гээд бодчихсон, танхимар нисэх мэт явдаг байлаа. Харин, гурван давхар эрүүтэй, сандал шиг бөгстэй, ямар ч донжгүй хувцасласан хачин авгайд яг надад хэлээд байсан үгсийг, яг тэр аялгаар хэлж байхыг нь сонссоноос хойш магтаал үгэнд итгэн баясахаа больсон юм.

Дөрөвдөх дүрэм: Хувцаслалт.

Цээжээ ил гаргасан том ухлаадастай хувцас өмсөж болохгүй, хөхөө тодотгосон хувцас бас болгохгүй. Богино банзал, бие гэрэлтсэн цамц, трико, хадаас шиг өсгийтэй, өвдөг давсан урт бариу түрийтэй гутал- бүгд хориотой хувцас болой. Шагай шүргэм урт шулуун банзал жижигхэн пиджактай өмсвөл бас л таныг ойлгохгүй. Улс төрийн элит бол маш чанга, маш хатуу байдаг. Харин банкируудын үдэшлэгт бүхий л газартаа бриллиант зүүсэн, баян тарганаа гайхуулсан байдалтай хувцаслан ирдэг. Ингэж хувцаслаагүй хүүхнийг машид шүүмжлэхээс гадна, “өө, энэний нөхрийн ажил төрөл нь тааруу байгаа юм байна, найдваргүй банк байна” гэх мэтээр ойлгоод тэр банк, компанитай ажил хэрэг явуулах хүн олдохоо больдог. Энэ тал дээр бол яг л барууныхан шиг аашилна шүү. Эргэн тойрон дандаа брэндүүд: нүдний шил, цүнх, товч хүртэл, брэнд бус юм эндээс олохгүй. Хамгийн сонирхолтой нь ийм үдэшлэг дээр нэг нэгэндээ комплимент ер хэлдэггүй юм байна лээ. Юу ч өмсөж зүүсэн байсан “сайн уу,сайн...” элдэв магтаал, уулга алдалт байхгүй. Яагаад ингэдэг юм гэж асуусан чинь “ Энэ бол “Порше” худалдаж авсан эрд комплимент хэлсэнтэй адил хэрэг болно. Эрчүүд дотроо л үнэлэлт дүгнэлт өгөхөөс, “Хүүе ээ, чи ямар гоё машинтай болчихоо вэ? Пөөх...” гэх мэтээр орилоод байдаггүй улс. Авгай хүүхнүүдийн гоёлын тухайд ч адил. Бүгд л бүхнийг харж байгаа, мэдэж байгаа. Хэн юу өмссөн байна, хэдий хэмжээний үнэ цэнэтэй юм гялалзаж байна гээд... байх л ёстой юмыг юу гэхэв дээ?” - гэж нэг нь надад тайлбарласан юм даг.

Ер нь ямар ч үдэшлэгт, “дураараа дургиж, дунд чөмгөө тасалж ч” болох чөлөөт үдэшлэг байсан ч нас намбандаа тохируулж хувцасласан байх ёстой. Насаа тодотгож харуулахгүй ч, түүнээ мартаж бас болохгүй. Хэмжээг мэдэрнэ гэдэг бол бурханаас заяадаг авъяас билээ. Орчин үед эртний хийцийг дууриалгаж хийсэн гоёлын зүүнүүд моодонд орчихоод байгаа. Ийм зүүг свитер цамцны зах, эсвэл хувцасныхаа халаасан дээр хатгасан байвал - болж байна. Харин, хэрэв та хүзүүндүү сондор, чихэндээ ээмэг зүүчихсэн байж дээрээс нь нэмээд хувцсандаа зүү хатгасан байвал таныг хөөрхий нэг муу зах дээр наймаа хийдэг амьтан байна гэж харна. Нэг биен дээр нэг л тод, үнэтэй гоёл чимэглэл байх ёстой. Мөнгөн гоёл бол өөр хэрэг. Бүтэн кг-ийг ч зүүсэн болно.

Тавдугаар дүрэм: Дөнгөж амсах.

Хүлээн авалтанд цатгалан ирэх хэрэгтэй. Ширээ хотойгоод, архи урсаад байж л байг, энэ танд хамаагүй. Сэтгүүлчид, сэхээтнүүд бол өөр хэрэг, тэд бага цалинтай улс, тэднийг бүгд ойлгоно, уучилна. Харин улс төрийн элит хүн, ялангуяа эмэгтэй хүн ярилцлагад хэзээ ч бэлэн байх ёстой. Амаараа дүүрэн чихчихээд байж байтал гэнэт сэтгүүлч ирээд юм асуувал яахын? Хагас хундага дарс, тавган дээр ямар нэг жижигхээн юм тавьж аваад жаахан жаахнаар балгаж, шувуу шиг тоншиж байснаа тавгаа тавьчихаад хундагаа бариад хөнгөн шингэн алхан танхимаар зугаалан хэрэгтээ хүмүүсээ хайна.

Зургаадугаар дүрэм: Сур, сур, бас дахин сур.

Саяхан би нэгэн сонин үдэшлэгт очсон юм. Урлагынхан цугларчихсан их л хөгжилдөж байв. Тэд бүгд нэг нэгийгээ таньж мэддэг, харин би хэнийг нь ч танихгүй. Надтай хамт ирсэн хүмүүс тараад алга болчихов. Яг л 13 жилийн өмнөх шигээ, би гэдэг хүн яахаа мэдэхгүй эвгүйцээд ирлээ. Магадгүй, энэ хүмүүс намайг төрийн том түшээ, сайд хэвээрээ байгаа, энд санамсаргүй ирчихэж хэн нэгнийг чухал хэргээр хайж яваа байх, түүнд саад болоод юухэв гэж бодож байсан ч байж болох. Харин би бүүр нервтэж дуусаад явдаг юм билүү гэж бодож байтал гэнэт өчигдөр үзсэн кино санаанд ороод ирэв. Тэр кинон дээр залуу хос үдэшлэгт ирдэг. Залууг нь /Том Круз/ хүмүүс бүчиж ирээд аваад явчихдаг, харин хүүхэн нь /Николь Кидман/ ганцаараа үлддэг. Тэрээр ер сандралгүй, ихэмсэг гэгч нь текны лангуу руу очсоноо нуруугаараа налан,хоёр тохойгоо алдлан лангуун дээр тулж, гартаа барьсан хундагатай дарснаасаа үе үе балган, хүмүүсийг гулссан харцаар харсан шиг зогсдог. Нэн тайван, өөртөө итгэлтэй, өөрийнхөө үнэ цэнийг мэддэг хатагтай...

 

Ирина Хакамада "УЛС ТӨР ДЭХ СЕКС" номын орчуулгаас... Үргэлжлэл бий.

Санамсаргүй мэдээ
Автобусанд амжуулсан хоёр секс өгүүллэг
5921
Азийн баячуудын жагсаалтанд орсон Монголын баячуудтай танилц
21858
Япон улсын хотын соёлыг Монголтой харьцуулбал
6245
БНХАУ-ын хамгийн залуу тэрбумтан бүсгүй 24 настай
3372
Зөнч Мухаммедыг доромжлоод цаазын ял сонссон бүсгүйн хувь заяа
396
УИХ-ын гишүүн С.Жавхлангийн анхны эхнэрийн ууган охин ийм том болжээ
26610
Энэ сараас мөрдөгдөж эхлэх шинэ дүрмүүд
811
Менингококкт халдвараас сэргийлье !!!
667
Б.Баабар: Ю.ЦЭДЭНБАЛ МОНГОЛЫГ ОРОСТОЙ НИЙЛҮҮЛЭХ ГЭЭД ГУРВАН УДАА ХӨӨЦӨЛДӨӨД ЧАДААГҮЙ ЮМ
26939
“Оюунлаг сурагч” хөтөлбөр хэрэгжиж эхэллээ
747
Гэр бүлээ хадгалж үлдэх 23 зарчим
1604
Тачаангуй ИНДИАН эмэгтэйн гунигт түүх
6924
Жуд Лоугийн 16 настай охин залуучуудыг хуйлруулж байна
3469
Альтернатив Отгоо "Алдарт эх"-ийн одон авчээ
1378
Жүжигчин Б.Янжиндулам найз залуутай болж дурлалдаа шатаж явна
2745
"Эгдүүтэй" Гантогоо, "хээгүй" Хишигдалай хоёрын хэн нь түрүүлэх байв
3964
Ж.Гомбожав: Манайд арван хэдэн яам хэрэггүй. 360 сум ч заавал байх албагүй
3328
Монгол оддыг хүүхэлдэйн баатруудтай зүйрлэвэл
2164
Монголын Даншиг наадмыг 1862 оны Оросын "Северная пчела" сэтгүүлд ийн өгүүлж байжээ
1979
Монгол залууг машин шүргэсний төлөө Хятадууд нийлэн зоджээ /бичлэг/
4055
Усан доторх нүцгэн биений гайхамшиг
3623
Үзэгчдын тахин шүтдэг АЙМШГИЙН киноны жүжигчид ямар хүмүүс байсан бэ
2232
Японоос онлайнаар хүссэн машинаа авах боломжтой
712
Зөвхөн Монголд л харж болох хөгжилтэй дүр зургууд №6
4403
Эзгэгийг нь тааруулж дарсан АЙМШИГТАЙ гэрэл зургууд
7576
Майкл Жексоны 19 настай охин шинэ шивээсээ нүцгэн гайхуулав
1837
Ган төмсөгтэй залуустай танилц
2001
Хамгийн үнэнч амьтан болох нохдын хөгжилтэй царайнууд
1438
"Sex in the City" Киноны жүжигчдын өөрчлөлт "шоконд" оруулав
3606
Б.Наранхүүгийн хамгийн тэнэг 10 ишлэл: ХЯТАДУУДЫГ ЧӨЛӨӨТЭЙ ОРУУЛАХ ХЭРЭГТЭЙ
4392
Аймшигт бөмбөгдөлтын дараа амьд үлдсэн СИРИЙН ДОМОГТ ХҮҮ одоо ийм болжээ
12177
Загвар өмсөгчдийн хөгжилтэй БҮТЭЛГҮЙТЛҮҮД
5244
Зөнч шулам Шиптон эхийн аймшигт зөгнөлүүд
2237
ЭЛЭГ юунд дургүй вэ?
2748
Т.Ариунаа: ӨНГӨ МӨНГӨТЭЙ Ч ӨЧҮҮХЭН СЭТГЭЛТЭЙ ЯВБАЛ ГУТАМШИГТАЙ
3380
Х.Чойбалсангийн амрагийн явдлаас: Тэрээр Бортолгойд “Газ” маркийн машин авч өгч байжээ
15296
Украйны халуухан УЛСТӨРЧ эмэгтэйчүүд
507
Мээдээ ЯГ ҮНЭНДЭЭ хэн шиг харагдсан бэ?
4749
Д.Осгонбаяр: Лам болгон ЭЛИТ байж чадахгүй, Би бол ЭЛИТ лам
21449
Амиа хорлосон 22 настай охины үхлийн шалтгаан "Сохо Мебель" ХХК-ийн захирал байв уу
13582
С.Төгс: Н.Эрдэнэцогт надад гар хүрч байсан, бүр жирэмсэн байхад хүртэл
7410
Антонио Бандерас: Эмэгтэйчүүд миний хувьд тайлагдашгүй оньсого, ертөнцийн нууц бүтээл
1477
Чарлиз Терон: Шон Пенн намайг мөрөөдлөө орхиход хүргэх хэмжээний эр хүн биш байсан
3025
Улс төр дэх секс-V хэсэг: В.Путинаас ямар ч үнэр гардаггүй байсан...
8314
"Miss Universe-2016" оролцогчдын БУДАГГҮЙ төрх
2063
Н.ЖАНЦАННОРОВ: Миний бүтээлүүдийг зараад идэж чадвал газартай ч, байшинтай ч болох хөрөнгө бий
3160
Харумафүжи нь Тэрүнофужи Г.Ган-Эрдэнийг ч зоджээ
1854
"Отгонтэнгэр" хайрхан уулын тухай баримтууд
4469
Загвар өмсөгч С.Сарнайгийн хайр татам төрх цахим орчинг шуугиулж байна
1923
Бельгийн Дипломатчийн авсан 1976 оны Улаанбаатар хотын ГАЙХАЛТАЙ зургууд
2300

ТАНД ХЭРЭГТЭЙ 100 БАЙГУУЛЛАГА

“ALDAR.MN" сайтын мэдээ бүрийн доор байрших эдгээр цэс нь ямар нэгэн шалгаруулалт, рейтингийн жагсаалт биш бөгөөд та бүхэн ангилал тус бүрт онцлогдсон байгууллага, бүтээгдэхүүн, хүмүүсийн дэлгэрэнгүй мэдээлэлтэй танилцаж, таалагдсан тохиолдолд LIKE дарах боломжтой. 

  Бүгд
Дэлгэрэнгүй мэдээлэл
1
1
Дэлгэрэнгүй мэдээлэл
2
2
Дэлгэрэнгүй мэдээлэл
3
3
Дэлгэрэнгүй мэдээлэл
4
4
Дэлгэрэнгүй мэдээлэл
5
5
Дэлгэрэнгүй мэдээлэл
6
6
Дэлгэрэнгүй мэдээлэл
7
7
Дэлгэрэнгүй мэдээлэл
8
8
Дэлгэрэнгүй мэдээлэл
9
9
Дэлгэрэнгүй мэдээлэл
10
10
Дэлгэрэнгүй мэдээлэл
11
11
Дэлгэрэнгүй мэдээлэл
12
12
Дэлгэрэнгүй мэдээлэл
13
13
Дэлгэрэнгүй мэдээлэл
14
14
Дэлгэрэнгүй мэдээлэл
15
15
Дэлгэрэнгүй мэдээлэл
16
16
Дэлгэрэнгүй мэдээлэл
17
17
Дэлгэрэнгүй мэдээлэл
18
18
Дэлгэрэнгүй мэдээлэл
19
19